Seerat Imam Bukhari (Urdu) – سيرت امام بخارى
£8.95
| Weight | 0.7 kg |
|---|---|
| Dimensions | 20 × 14 × 1 cm |
| Publisher |
Darussalam |
امام بخاری ۱۳شوال ۱۹۴ھ، بروز جمعہ بخارا میں پیدا ہوئے۔ دس سال کی عمر ہوئی تو مکتب کا رخ کیا۔ بخارا کے کبار محدثین سے استفادہ کیا۔ جن میں امام محمد بن سلام بیکندی، امام عبداللہ بن محمد بن عبداللہ المسندی، امام محمد بن یوسف بیکندی زیادہ معروف ہیں۔ اسی دوران انہوں نے امام عبداللہ بن مبارک امام وکیع بن جراح کی کتابوں کو ازبر کیا اور فقہ اہل الرائے پر پوری دسترس حاصل کر لی۔ طلبِ حدیث کی خاطر حجاز، بصرہ، بغداد شام، مصر، خراسان، مرو بلخ، ہرات، نیشا پور کا سفر کیا ۔ ان کے حفظ و ضبط اور معرفت حدیث کا چرچا ہونے لگا۔ امام بخاری کے استاتذہ کرام بھی امام بخاری سے کسب فیض کرتے تھے۔ آپ کے استاتذہ اور شیوخ کی تعداد کم وبیش ایک ہزار ہے۔ جن میں خیرون القرون کےاساطین علم کے اسمائے گرامی بھی آتے ہیں۔ اور آپ کے تلامذہ کی تعداد لاکھوں میں ہے۔
امام بخاری سے صحیح بخاری سماعت کرنے والوں کی تعداد 90ہزار کے لگ بھگ تھی۔ امام بخاری کے علمی کارناموں میں سب سے بڑا کارنامہ صحیح بخاری کی تالیف ہے جس کے بارے میں علمائے اسلام کا متفقہ فیصلہ ہے کہ قرآن کریم کے بعد کتب حدیث میں صحیح ترین کتاب صحیح بخاری ہے ۔ فن حدیث میں اس کتاب کی نظیر نہیں پائی جاتی آپ نے سولہ سال کے طویل عرصہ میں 6 لاکھ احادیث سے اس کا انتخاب کیا اور اس کتاب کے ابواب کی ترتیب روضۃ من ریاض الجنۃ میں بیٹھ کر فرمائی اور اس میں صرف صحیح احادیث کو شامل کیا
اس کتاب کا عربی ترجمہ ڈاکٹر عبد العلیم بستوی کے قلم سے جامعہ سلفیہ بنارس سے شائع ہوچکا ہے۔ زیر نظر کتاب ’’سیرت امام بخاری‘‘ کو تالیف کرنے کی سعادت شیخ الحدیث مولانا عبدالرحمٰن چیمہ نے حاصل کی بعد ازاں دارالسلام ،لاہور کے شعبہ تحقیق وتصنیف کے سکالرز نے بھی اس میں بیش قیمت اضافے کیے ہیں۔ شیخ الحدیث مولانا حافظ عبد العزیز علوی نے ترمیم واضافہ کے ساتھ ساتھ اس کی نظرثانی کی ہے اور اسی طرح محقق دوراں مولاناارشاد الحق اثری نے اس میں کچھ حک و اضافہ کے ساتھ اس پر ایک جاندار مقدمہ تحریر کیا ہے جس سے اس کتاب اہمیت وافادیت دو چند ہوگئی ہے۔ اس کتاب میں امام بخاری کےاساتذہ کی سیرت، اساتذہ کرام، ان کے طبقات، وسعت علمی ، عقائد ونظریات، صحیح بخاری میں احادیث کو نقل وجمع کرنے کی شرائط، دیگر تصانیف اور ان کے اسلوب اور متعلقات و شروح صحیح بخاری کے ساتھ ساتھ امام بخاری کی فقیہانہ بصیرت، محدثانہ صلاحیت، امام موصوف کے معاصرین اور تلامذہ وغیرہ کا تذکرہ بڑے یگانہ اور جدید اسلوب میں پیش کیا گیا ہے
Delivered within 2-5 working days.
UK Free Standard Delivery:
Free standard delivery on all orders over £100. Delivered within 2-5 working days.
Next Working Day Delivery:
Order before 12 pm to receive your order on the following working day.
Orders outside of the UK:
We currently fulfil international orders through our official WhatsApp +447533177345. Delivery costs and time vary depending on location, chosen courier and the total weight of the package(s).
